Order Confirm or Cancel Verification Here
Terms & Conditions
Vendor (Dukan) (Sharaait-o-Zawabit) – TOGGLE ITEM
TOGGLE ITEM marketplace par bataur Vendor (Dukan) register hone aur apni products bechne ke liye darj-zail sharaait-o-zawabit par amal karna lazmi hoga:
1. Vendor (Dukan) Documentations aur Pehchan (Registration Details)
* CNIC aur Mobile Number: Vendor (Dukan) ko apna asli aur verified CNIC Number aur sahi Mobile Number dena lazmi hoga.
* WhatsApp Number: WhatsApp number dena zaroori hai. Agar WhatsApp number nahi hai, toh chalne wala aur bilkul sahi contact mobile number dena zaroori hoga taake orders aur courier labels ki tijarat aasaani se ho sake.
* Sahi Address: Vendor (Dukan) apna bilkul sahi aur mukammal address (Pickup Location) faraham karega jahan se courier boy parsal receive karega.
2. Payment, Withdrawal & Taxes (Payment Zawabit)
* Vendor (Dukan) Payment kaise Wasool Karega: Vendor (Dukan) dashboard me apni Bank detail darj karke darek bank ke throw withdraw hasil kar sakta hai. Account number likhte waqat Vendor (Dukan) IBN ke sath complete Account Number darj Karega take payment send karne ke doran kisi be kisam ki pareshani na ho.
* Payment Methods: Vendor (Dukan) apni payment Kisi bhe Bank Account, EasyPaisa, JazzCash, Upaisa, Nayapay, Sadapay Accoount ya Cash tamam tareeqon se wasool kar sakta hai.
* Minimum Withdrawal Limit: Payment withdraw karne ke liye kam az kam Rs. 5,000 ki selling (faroakht) mukammal hona lazmi hai.
* Withdrawal Schedule: Payments ka withdrawal har Hafte Matlab 8 din baad process kiya jayega.
* Withdrawal Kaise hasil hoga: 8din Bad Maltab ek hafta guzar jane ke bad Vendor (Dukan) apne dashboard se TOGGLE ITEM Admin ko withdraw request send Karega jiske bad TOGGLE ITEM team ki janib se Apki request check karke apki amount apke bank account me bheji jayegi.
* Withdrawal Fee / Tax: Bank ya Cash ki soorat me 50000 rupe se ziyada raqam lene per Government roll ke mutabiq 0.6% Katoti ki jayegi agar payment 10lakh howe to her 1 lakh per government Policy ke tehat 0.6% katoti hogi.
* Commission: TOGGLE ITEM har kamyab sale par Vendor (Dukan) se 5% commission vasool karega.
* Product GST Tax (4%): Courier company ki taraf se product par jo 4% GST tax kata jata hai, uski adaayegi Vendor (Dukan) 2% aur TOGGLE ITEM Admin 2% ada karege.
* Delivery, COD & Platform Charges:
* Delivery charges (Customer se jo liye jayenge).
* 1% Cash on Delivery (COD) charges.
* Rs. 85 platform charges.
* Yeh tamam kharajat TOGGLE ITEM Admin TOGGLE ITEM khud manage aur pay karega.
3. Order Processing aur Confirmation
* Customer Call Confirmation: Order book hote hi Vendor (Dukan) ki zimmedari hai ke woh customer ko call karke order confirm kare.
* Fast Packing: Order confirm hote hi Vendor (Dukan) ko product filfaur (fauran) pack karni hogi.
* Parsal Video Recording: Vendor (Dukan) Apni Her Parsal Product ki Video recording apne pass sabot ke tor rakhega take jub demag, ya toot foot hone wali return product ki Shafaf tehqiqat ke doran kam asake.
* Shipping Label & Packaging: TOGGLE ITEM Admin WhatsApp par Vendor (Dukan) ko Courier Shipping Label (PDF) bhejega. Vendor (Dukan) us label ka print-out nikal kar parsal packing ke upar achhi tarah punch/paste karega.
4. Packing, Damage aur Loss ki Zimmedari
* Sahi Packing: Parsal ko sahi tarah se pack karna Vendor (Dukan) ki pehli zimmedari hai. Agar packing kharab hone ki waja se parsal khul jata hai, product toot jati hai, ya gum/lost ho jati hai, toh iska tamam nuksan Vendor (Dukan) khud bardasht karega.
* Tootne Wali Ashya (Fragile Products): Agar product sheeshe (glass) ki hai ya tootne wali hai, toh uski extra safety packing Vendor (Dukan) karega. Courier boy ko parsal dete waqt lazmi aagah (inform) karega ke “is parsal mein tootne wali cheez hai, isko khayal se le kar jayein”.
* Ghalt Ya Illegal Mawad (Legal Disclaimer): Allah na kare agar kisi parsal ke andar se koi ghalt, ghair-qanooni (illegal), ya alag mawad baramad hota hai, toh is packing aur product se TOGGLE ITEM ka koi wasta ya taalluq nahi hoga. Is ki tamam tar qanooni aur akhlaqi zimmedari sirf aur sirf us Vendor (Dukan) ki hogi.
5. Order Completion aur Return Policy
* Order Completion: Jab tak order customer ko successfully deliver nahi ho jata aur clear nahi hota, tab tak order complete nahi samjha jayega.
* Return Policy Charges: Agar customer kisi bhi waja se order return karta hai,parsal open karne ka video proof deta hai product kisi waja se demag, chang, ya kharab nikalti hai to 100% delivery charges Vendor (Dukan) ko ada karne honge. Agar customer ka mobile number off jata hai ya kisi waja se parsal vasool nahi kar pata to aise surat me return parsal ki delivery payment Vendor (Dukan) ke oper 50% lago hogi 50% TOGGLE ITEM per lago hogi.
* Damaged Return: Agar return product toot-phoot ka shikar nikalti hai ya kharab milti hai, toh uski zimmedari Vendor (Dukan) par aaid hogi.
6. Mazeed information aur Detail ke liye (Contact Us) page visit kare
Kisi bhi qism ki madad, maloomat ya rehnumai ke liye aap hamare Contact Us page par diye gaye Email aur WhatsApp Number par rabta kar sakte hain.
Customer (Sharaait-o-Zawabit) – TOGGLE ITEM
TOGGLE ITEM par shopping karne aur orders place karne ke liye darj-zail sharaait-o-zawabit par amal karna lazmi hoga:
1. Payment Methods & Extra Charges
* Cash Order Direct Bank Transfer: Customer agar website se Cash on order Karega Direct Bank Transfer ke zariye payment karta hai, toh use sirf Delivery Flat Charges pay karni hongi.
* Cash on Delivery (COD): Cash on Delivery (COD) par order book karne ki soorat mein total amount par 2% extra COD charge laagu hoga.
2. Parcel Open & Checking Policy (Parsal Kholne Ka Qanoon)
* Normal Orders: Aam taur par koi bhi parsal delivery ke waqt open ya check karne ki ijaazat nahi hogi. Customer ko pehle courier boy ko payment deni hogi.
* Special Allowed Orders: Parsal sirf aur sirf unhi orders mein delivery ke waqt open ya check kiya ja sakta hai jahan Product Description mein “Free Delivery & Parcel Open Allowed” clear likha hua ho.
* Vendor (Dukan) ne explicitly mention kiya ho ke customer parsal open karke dekh sakta hai.
* Iske ilawa kisi bhi normal order par parsal kholne ki ijaazat nahi di jayegi.
3. Order Confirmation & Delivery
* Order Call Verification: Order place hone ke baad Vendor (Dukan) ki taraf se customer ko confirmation call aayegi. Call confirm hone ke baad hi order dispatch kiya jayega.
* Correct Address: Customer ko apna bilkul sahi aur mukammal address aur active mobile number dena lazmi hai taake delivery mein koi dikkat na ho.
4. Return, Replacement & Video Proof Policy
* Vendor (Dukan) Se Rabta: Agar customer parsal return karna chahta hai, toh jis Vendor (Dukan) se product purchase ki hai, customer seedha us Vendor (Dukan) ke diye gaye number par rabta karega.
* Ghalt Product ya Masla (Video Proof Lazmi): Agar parsal ke andar order ki gayi product ki jagah koi doosri product ya kharab cheez nikalti hai, toh customer ki yeh zimedari hogi ke parsal kholte waqt uski video lazmi banaye, jo ke saboot ke taur par customer ke paas maujood ho. Bina video proof ke return ya claim qabul nahi kiya jayega.
* Return Conditions: Return policy ke tehat product apni asli condition aur original packaging mein honi chahiye.
5. Contact Us (Rabta Karein)
Kisi bhi qism ki madad, inquiry ya complaint ke liye aap hamare Contact Us page par diye gaye Email aur WhatsApp Number par rabta kar sakte hain.
Extra included: Play Game Price me Free Delivery, 5% off 1000 Hazar se 6000 hazar wale her Product per price & Free Gift Limited Customers.
Order details, tracking ya complaint ke liye humse raabta karein: